Aula Emprendedora Cei-nodus

Degustación produtos das cooperativas - ALUME

2010-11-25T03:09:00.000-08:00

Descripción da visita a Arzúa feita polos usuarios do centro:

Salimos de Lugo para hacer una excursión a Arzúa invitados por el Ayuntamiento de Lugo y la Consellería de Traballo e Benestar. Fuimos por Melide, Palas de Rey...y una vez allí visitamos una cooperativa llamada ”ERIKA MEL”. Tuvimos una visita guiada, nos explicaron como trabajan, es decir, todo el proceso de la miel. Primero nos enseñaron las colmenas, como llevan el polen para la colmena, que son 4 meses los que necesita como periodo de elaboración y posteriormente, vimos las máquinas que van mezclando la miel y echando en cada frasco el contenido exacto y tapando los frascos.
Después pasamos a otra sala en donde vimos los bidones para la miel que son los que traen los socios de la cooperativa. Fue entonces, cuando nos ofrecieron una degustación de distintos quesos y miel que estuvo francamente bien, tanto fue así, que compramos varios productos para llevar a casa. En resumen, una mañana distinta e interesante. Gracias por la invitación!

Texto de Paz, Silvia, Pily, Isa, Ramón, Susana y Armando.

Galería fotográfica de la degustación

Degustación produtos das cooperativas nas entidades participantes

2010-11-18T00:41:00.000-08:00

Para finalizar as xornadas de cooperativismo entregouse a cada entidade que participou nas distintas actividades unha mostra dos productos dalgunha das cooperativas que participaron na xornada de clausura (queixo de cabra, mel e infusións), para que poidesen facer degustacións nos distintos centros. Deseguido aparecen as fotografías das devanditas degustacións.

IES - Ollos Grandes

Xoan Montes

IES Lucus Augusti

Xornada de Clausura - Emprendendo e Cooperando

2010-11-05T05:26:00.000-07:00

O martes 26 de outubro de 2010 tivo lugar no salón de actos do Centro de Empresas e Innovación do Concello de Lugo a xornada “Emprendendo e Cooperando” como conclusión das actividades de fomento e promoción do cooperativismo levadas a cabo polo Concello de Lugo durante o mes de outubro e subvencionadas pola Consellería de Traballo e Benestar.

O programa da xornada desenvolveuse do seguinte xeito:

10:30 – Entrega de documentación. Dentro da documentación, achegáronse os dous caderniños de cooperativismo, información relacionada co ente organizador e mostras de produtos proporcionado polas cooperativas que interviñeron na xornada.

11:00 – Inauguración da xornada realizada pola concelleira de Economía e Emprego, D.ª Sonia Méndez.

11:15 – Iníciase a mesa redonda conducida pola concelleira de Economía e Emprego, coa exposición das experiencias de catro membros das cooperativas invitadas:

• Milhulloa, representada por Carmela Valiño Vázquez - socia fundadora.

• Como Cabras, representada por Jorge Luís Rincón Suz - socio fundador.

• Moega, representada por Mª Paz de la Fuente Romay – presidenta.

• Erica Mel, representada por Gonzalo Calvo Díaz, veterinario de AGA - Asociación Galega de Apicultura- e socio traballador da cooperativa.

Cada un deles e durante un tempo non superior a 20 minutos, relatou os comezos da súa andaina cooperativista e describiu o seu modelo de negocio, tanto no inicio como na actualidade. O material empregado polos relatores foron imaxes, presentacións en Microsoft Power Point e un vídeo promocional, respectivamente. A esta xornada asistiron en torno a 50 persoas, aínda que non todos asinaron a lista de asistentes.

12:20 – A xornada continuou coa entrega de premios dos/as gañadores/as dos “Concursos de fotografía e imaxe corporativa de cooperativismo e valores galegos”, que entregaron D. Xoán Miguel Concheiro Abal -Subdirector Xeral de Cooperativismo e Economía Social, D.ª Sonia Méndez -concelleira de Economía e Emprego-, D.ª Carmen Basadre -concelleira de Muller e Benestar Social-, e D.ª Mª Esther Muñoz Mella -directora da Escola de Arte Aplicada e Superior de Deseño Ramón Falcón.

As gañadoras dos premios do “Concurso de fotografía, cooperativismo e valores cooperativos”, foron:

1º premio: Begoña Pérez López.

Premio entregado: Ultraportátil Acer Aspire One.

2º premio: Alba Navarrete Rodríguez.

Premio entregado: Disco duro Multimedia.

3º premio: María Teresa Crende Otero.

Premio entregado: Marco Dixital.

Os/as gañadores/as dos premios do “Concurso de Imaxe Corporativa Cooperativismo Galego”, foron:

1º premio: Lucía Sanmartino Cuesta.

Premio entregado: Ultraportatil Acer Aspire One.

2º premio: Anxo Vizcaíno López.

Premio entregado: Disco duro Multimedia.

3º premio: Jonay Quintana Cabrera.

Premio entregado: Marco Dixital.

12:40 – Clausura da xornada a cargo da Concelleira de Economía e Emprego, D.ª Sonia Méndez.

12:50 – Degustación de produtos achegados polas cooperativas Como Cabras, Milhulloa e Erica Mel. Os produtos a degustar foron os seguintes: Infusións Té Vermello, Melisa e Menta de Milhulloa; queixo de cabra curado, queixo de cabra en aceite e crema de queixo de cabra de Como Cabras e mel de Erica Mel.

Visitas ás cooperativas - Amegrove

2010-11-05T05:20:00.000-07:00

VISITA A AMEGROVE

A xornada comezou ás 8:45 da mañá, o xoves 21 de outubro, coa saída do autobús que nos levaría ata O Grove, desde a porta do Instituto Masculino. Chegamos ao Grove ás 10:40 horas e dirixímonos ao lugar onde quedaramos cos/as monitores/as de Praxe & Ocio, empresa que colabora coa cooperativa Amegrove para a realización das visitas polas instalacións da mesma, e que nos guiaron ao longo da mañá.

Amegrove é unha empresa basada nun minifundio de pequenas explotacións de ámbito familiar creada no ano 1977 e adicada ó cultivo e a comercialización do mexillón. Actividade que se reflexa tanto na venta á propia empresa, coma na venta a outras depuradoras.

Polo de agora a producción de AMEGROVE destínase aproximadamente nun 95 % ó consumo en fresco e o resto a conserva, pero é a nosa intención que coa recente creación de FRIGOAMEGROVE se destine parte desta producción á venta de mexillón cocido, precocinado, pasteurizado, etc.

A visita iniciase á beira do porto no que entra o mexillón e explicouselle ao alumnado o inicio da produción de mexillón do campesiñado local hai xa un século, da distribución das bateas na ría, das características principais dunha batea, da produción dunha batea…

Ás costas do lugar onde nos atopabamos había un Centro de Interpretación do Mar, onde o alumnado recibiu unha explicación con material audiovisual sobre a colocación das crías de mexillón nas cordas da batea para engordalas durante 6 meses na ría. Rematada a explicación, subimos ao primeiro andar, onde se lles explicou como se producían as cordas que colgaban da batea. Tamén puideron gozar dun obradoiro no que se lles facilitou un anaco de corda e unha bóla, para poder facer un chaveiro de nó.

Abandonamos o Centro de Interpretación para dirixirnos á cooperativa AMEGROVE e decidimos dividir o grupo en dous para que poideran visitar as instalacións máis facilmente. Visitáronse varias zonas polas que pasa o mexillón desde a súa chegada nos barcos: o laboratorio onde se analiza o mexillón e se comproba se é apto para o consumo humano, a nave onde se depuran durante 4 ou 5 días, a sala de limpeza do mexillón, a separación do mexillón que se consumirá fresco e o mexillón que se vai conxelar, o proceso de conxelación do mexillón e o envasado.

Despois de coñecer todo o proceso do mexillón, fomos degustar o produto. Os/as guías aproveitaron este momento para facilitarlle ao alumnado material informativo de AMEGROVE, así como unha listaxe de receitas para cociñar o Mexillón de Galicia. Ás 14:00 horas dase por rematada a visita a cooperativa.

Deseguido mostramos algunhas imaxes da visita.

Visitas ás cooperativas - Coren

2010-11-05T05:17:00.001-07:00

VISITA A COREN

É a rede de cooperativas avícolas e gandeiras máis importante de Galicia.

En 1959 comeza a andadura da nova compañía. Eulogio Gómez Franqueira é nomeado Xerente da Unión Territorial de Cooperativas Ourensanas (UTECO). Franqueira comezou entonces un proxecto de saneamento da empresa, marcando os produtos en orixe co fin de obter mellores prezos. En 1962 Uteco constitúe a Cooperativa Provincial Ganadera, que lle compraba a unha empresa estadounidense, Swift, os polos e os piensos compostos para alimentalos. É entón cando UTECO comeza a construír unha fábrica para a creación de piensos compostos baixo a licencia desta empresa, pero as ganas de independizarse da empresa norteamericana, fai que en 1965 rompan o pacto, e xusto nese ano nace unha cooperativa adicada exclusivamente á elaboración de piensos compostos para a cría de animais.

En 1966, a xa denominada Coren pon en funcionamento un matadeiro avícola e a primeira planta de incubación de Galicia, ó mesmo tempo que se preparan para entrar no mercado vacuno. En 1968, as empresas de Coren crean a súa propia rede comercial, e en 1970 constrúese a central leiteira e a clasificadora de ovos no parque empresarial de San Cibrao das Viñas (Ourense). Con esta aparición, Coren extendía o seu mercado ó gando porcino coa creación dunha nova cooperativa.

En 1975 Coren sae de Galicia e inaugura a primeira planta en Alcobendas (Madrid), e ademáis constrúe a segunda fábrica de compostos alimenticios. En 1980, UTECO convírtese en Cooperativas Orensanas Sociedad Cooperativa Limitada.

Xa en 1987, co ingreso de España na Comunidade Económica Europea, Coren asumíu, para un período de catro anos, a representación ante a CEE de todolos produtores españois de polos e ovos. En 1990 Coren chega a Portugal por medio da creación de Lourinho Conservas de Carne Ltda. En 1995 Coren chega a Arxentina, e en 1998 a Rumanía.

No 2000 Coren inaugura unha planta de piensos en Lugo, en Outeiro de Rei. De este xeito, Coren garante o suministro inmediato ás granxas propias e a clientes de piensos situados en toda a xeografía galega. No ano 2001 púxose en marcha a Planta de Nutrición Animal de Bonxe, unha referencia no sector dotada da última tecnoloxía, onde se elaboran os alimentos equilibrados para a correcta nutrición das distintas especies animais ás que van dirixidos (avícola, porcina, vacuna e cunícola), cunha produción de 857.000 toneladas de piensos.

Ésta última é a planta que se foi a visitar o venres 22 de outubro cos alumnos de 2º de BAC do I.E.S. Xoan Montes, cun total de 14 asistentes e unha profesora.

A visita desenvolveuse de xeito satisfactorio vendo en primeiro lugar o funcionamento da planta, o mecanizado, os distintos tipos de piensos que produce, a distribución… ata chegar a unha sala de conferncias onde se lles explicou ós alumnos de xeito pormenorizado, os inicios da cooperativa, como foi evolucionando, ata chegar a balances de contas e sistemas de xestión. Todo isto rematou cunha rolda de múltiples preguntas e curiosodades por parte dos alumnos que se resolveron de xeito máis que acertado.

Visitas ás cooperativas - Erica Mel

2010-11-05T05:11:00.000-07:00

VISITAS A ERICA MEL

É a cooperativa creada por iniciativa dun grupo de socios de AGA fai vinte anos. O motivo da súa creación foi a necesidade de comercializar o mel dos socios, que pouco a pouco foi aumentando gracias á formación e asistencia que a asociación propiciou ós seus asociados. A misión de Erica Mel é apoiar a comercialización dos produtos apícolas dos socios, achegar o mundo apícola ao gran público, sumando ademáis unha oportunidade para o desenvolvemento local. A maioría dos cooperativistas de Erica son pequenos apicultores, que utilizan a apicultura como unha actividade complementaria con outros oficios e que forman unha gran rede social cunha misión fundamental: preservar a abella, o principal polinizador, gracias ó cal consérvase a biodiversidade e prodúcese a maior parte da alimentación do ser humano.

Esta cooperativa esta anexa ó Centro do Queixo e do Mel. Este é un centro de divulgación e promoción do Mel de Galicia e do Queixo Arzúa-Ulloa. A través de diferentes actividades, como visitas de grupos, degustacións, obradoiros e cursos, o centro trata de dar a coñecer estes nosos produtos de gran tradición na gastronomía galega. Especial importancia ten o colectivo de apicultores, xa que unha grande parte da actividade do centro diríxese a estes, co obxectivo de formar a abelleiros e abelleiras hacia a apicultura sustentable e multifuncional.

A esta cooperativa realizáronse tres visitas:

Mércores 13 de outubro con alumnos de 3º da ESO do I.E.S. Nosa Señora dos Ollos Grandes: 13 alumnos asistentes e dous profesores.

Mércores 20 de outubro co centro ALUME (Asociación Lucense de Axuda a Enfermos Mentais): 20 asistentes e dúas monitoras.

Martes 26 de outubro con alumnos de 1º de BAC do I.E.S. Xoan Montes: 28 alumnos e dúas profesoras.

Estas visitas desenvolvéronse satisfactoriamente, comezando polo Centro do Queixo e do Mel, onde reciben unha explicación de cómo traballan as abellas, de xeito cooperativo igualmente, podendo ver unha colmena, dos produtos que nos ofrecen, dos problemas que teñen e da importancia do seu coidado, para pasar á cooperativa, onde se explica a súa historia e o seu funcionamento. Dende as colmenas dos socios ata a comercialización do mel, podendo ver todalas instalacións e todo o proceso. Para rematar obséquiase ós asistentes a unha degustación de distintos tipos de mel e Queixo Arzúa-Ulloa.

Visitas ás cooperativas - Milhulloa

2010-11-05T05:08:00.000-07:00

VISITA A MILHULLOA

Milhulloa é unha empresa que se adica ao cultivo ecolóxico, transformación e comercialización tanto de plantas medicinais como de hortalizas. Está situada en Palas de Rei, na provincia de Lugo, xunto ó Camiño Francés ó seu paso pola Comarca da Ulloa.

As socias traballadoras, fundadoras desta iniciativa, aproveitaron a posibilidade de crear autoemprego co obxectivo de ofrecer unha alternativa ós cultivos tradicionais que incrementasen a rendabilidade da terra e mellorase a conservación da diversidade.

Ó empregar técnicas de cultivo ecolóxico, Milhulloa obtén produtos de maior calidade para o consumo, á vez que contribúe á conservación do medio ambiente. Entre os criterios de selección de especies a cultivar destacan as plantas autóctonas da Comarca da Ulloa e de valor comercial.

É a única empresa galega que se adica á produción de plantas aromáticas e infusións mediciñais, pero tamén de vexetais deshidratados, oleatos, especias, etc. Encárganse de todo o proceso de elaboración do produto, dende o cultivo ata a súa transformación e comercialización final para a venda.

Ademáis dunha extensión de 10 hectáreas de cultivos e unha pequena industria onde desenvolven a súa actividade produtiva, contan cunha parcela experimental, enfocada á innovación, onde investigan como optimizar os cultivos e garantir a súa calidade e riqueza en principios activos. Tamén realizan talleres de cosmética natural, fitofortificantes e propagación de plantas mediciñais.

A empresa obtivo varios premios nos últimos anos. Pola súa contribución á innovación no entorno rural foron galardoados con dous “Premios Agrarios de Galicia” da Consellería, na modalidade de Muller Rural Emprendedora. No ano 2004, obtiveron un segundo accésit en innovación na Feira Internacional Semana Verde de Galicia. En 2005, recibiron o “Premio á promoción do cooperativismo” nos IV Premios de cooperación, e o 3º Premio AGADER ás iniciativas de desenvolvemento rural. En 2007, conseguiron o “Primeiro premio ás actividades produtivas no medio rural” pola súa contribución e posta en valor do territorio histórico do Camiño Francés.

Milhulloa desenvolve a súa actividade baixo criterios de produción ecolóxicos supervisados a través do Consello Regulador de Agricultura Ecolóxica de Galicia (CRAEGA), da que forman parte. Ademáis conta co respaldo do Banco da Muller.

Esta visita levouse a cabo o luns 11 de outubro con 21 alumnos do I.E.S. Nosa Señora dos Ollos Grandes e dous profesores. As socias traballadoras explicaron como xurdiu a idea de montar esta cooperativa, a súa experiencia e o funcionamento da cooperativa. Rematou cun diálogo entre todos e cunha degustación de infusión de melisa, que producen elas mesmas.

Catálogo Cooperativas 2010

2010-11-04T01:59:00.000-07:00

Inicialmente unha das actividades comunicadas á Consellería de Traballo e Benestar era a realización dun CD/DVD que agrupase a diversas cooperativas galegas para que servise de promoción das mesmas. Por cuestión de tempo foi imposible realizalo e a todas aquelas cooperativas que manifestaran o seu interese en ser incluidas no devandito CD/DVD ofreceuselles a oportunidade de recollelas no presente blog, deste xeito crease este catálogo con 9 cooperativas de Galicia que decidiron servir como exemplo á hora de mostrar o éxito que se pode lograr mediante esta forma de traballo.

Descargar Catálogo

Destacar que as 9 cooperativas que participan neste catálogo son:

- Xatogal

- Avega

- Colupa

- Equal

- Erica Mel

- Loureiro

- Milhulloa

- Colexio Ferroviario

- O Pereiro

O IES Lucus Augusti no CEI-Nodus, visita ao centro e taller-obradoiro cooperativo

2010-11-03T06:06:00.000-07:00

Preto de 150 alumnos e alumnas dos centros da ESO da cidade participan desde hoxe nunhas xornadas formativas no CEI-Nodus

O Concello de Lugo continúa a promover entre a mocidade lucense a creación de empresas na forma xurídica de cooperativa, así como promover os valores de solidariedade e voluntariedade, valores positivos para a sociedade en xeral.

Nesta ocasión, a Concellería de Economía e Emprego, que dirixe Sonia Méndez, organizou unha serie de actividades formativas de promoción e fomento do cooperativismo dirixidas a alumnos de ESO dos centros de ensino da cidade de Lugo.

O Centro de Empresas e Innovación do Concello de Lugo acolleu o 18 de outubro a primeira xornada formativa na que participaron 23 alumnos e alumnas do IES Lucus Augusti. Os mozos e mozas recibiron unha charla teórico-práctica sobre o autoemprego e a creación de cooperativas. Despois participaron na realización dun taller práctico no que se reproduce a forma de traballo característica das cooperativas.

O IES Leiras Pulpeiro no CEI-Nodus, visita ao centro e taller-obradoiro cooperativo

2010-11-03T06:04:00.000-07:00

O 20 de outubro tivo lugar nas instalacións do CEI-NODUS a terceira xornada das programadas polo Concello de Lugo para a promoción e fomento do cooperativismo. Nesta ocasión os participantes foron 37 alumnos e alumnas do IES Leiras Pulpeiro.

Os mozos e mozas recibiron unha charla teórico-práctica sobre o autoemprego e a creación de cooperativas. Despois participaron nun taller de manualidades no que se reproduce a forma de traballo característica das cooperativas.

Taller - Obradoiro

O IES Xoan Montes no CEI-Nodus, visita ao centro e taller-obradoiro cooperativo

2010-11-03T06:01:00.000-07:00

Os alumnos do IES Xoan Montes asistiron á xornada que se celebrou no CEI-NODUS.

O Centro de Empresas e Innovación do Concello de Lugo acolleu o 19 de outubro a segunda xornada formativa na que participaron 20 alumnos e alumnas doIES Xoan Montes.

Taller - Obradoiro

O Divina Pastora no CEI-Nodus, visita ao centro e taller-obradoiro cooperativo

2010-11-03T05:54:00.000-07:00

Enmarcado nas actividades organizadas polo CEI-Nodus para o fomento do cooperativismo entre a mocidade lucense.

A mañá do 21 de outubro tivo lugar nas instalacións do CEI-NODUS a cuarta xornada das programadas polo Concello de Lugo para a promoción e fomento do cooperativismo. Nesta ocasión os participantes foron 16alumnos e alumnas do Colexio Salesiano "Divina Pastora".

Taller - Obradoiro

Xornada Emprendendo e Cooperando

2010-11-02T05:30:00.000-07:00

O martes 26 de outubro levarase a cabo a xornada "Emprendendo e Cooperando" no Salón de Actos do Centro de Empresas e Innovación do Concello de Lugo.

Este acto marca o final das actividades promovidas desde o Concello de Lugo durante o mes de outubro para o fomento e promoción do cooperativismo.

Adxuntamos o cartel promocional do acto e os dípticos co programa do mesmo.

Cartel y díptico

Monólogo sobre o cooperativismo

2010-09-10T02:29:00.000-07:00

Con esta actividade o Concello de Lugo tratou de promocionar a cooperativa como unha opción de emprendemento, pero dende un punto de vista máis lúdico e entretenido.
O actor e monologuista Cándido Pazó, durante a súa actuación conseguiu que os asistentes participaran e interactuaran con el; ademais encadeou unha serie de contos e relatos relacionados co traballo por conta allea e fixo referencia tamén ás dificultades que atopa o cooperativismo na ideoloxía galega, máis acostumada á independencia laboral.

Nesta xornada ademais tivo lugar a entrega dos premios de fotografía e marketimg dos que informamos con anterioridade.

Nesta entrega participaron:

• Dna. Begoña Barreiro Fernández; Vicerreitora Adxunta de Oferta e Xestión Académica da USC.
• Dna. Esther Muñoz Mella; Directora da Escola de Arte e Superior de Deseño Ramón Falcón.
• D. Juan Miguel Concheiro Abal; Subdirector Xeral de Cooperativas e Economía Social
• D. José Clemente López Orozco; Alcalde do Excmo. Concello de Lugo.
• Dna. Sonia Méndez García; Concelleira de Promoción Económica e Emprego.

Actividades formativas: Outro impulso ao cooperativismo

2010-09-10T02:18:00.000-07:00

Esta proposta tivo como obxetivo promover o coñecemento e o fomento do cooperativismo entre alumnos de Secundaria de diversos institutos de Lugo.

 O programa consistía en:

- Presentación
- Presentación Europe Direct: Explicación por parte de Europa Direct das posibilidades que se lle ofrecen no Espazo Lab, tanto de atopar un traballo, como becas de prácticas laborais promovidas polo Concello de Lugo ó extranxeiro ou formación.
- Charla Cooperativismo: Na que os puntos máis importantees foron:

• ¿Qué é iso do traballo?
• Emprender, ¿unha opción máis?
• ¿Qué é o cooperativismo?
• ¿Cómo se organiza unha cooperativa?
• ¿Qué necesito para montar unha cooperativa?
• Da idea á realidade: trámites.

- Visita guiada CEI- Nodus
- Visita guiada Espazo Lab
- Taller cooperativismo: A proposta deste taller consistía na realización dun mural sobre a muralla de Lugo e Europa. O mural dividiuse en catro paneis e cada instituto tiña un panel para pintar.

 Centros de ensino participantes:

- IES Leiras Pulpeiro
- IES Xoán Montes
- IES Nosa Señora dos Ollos Grandes
- IES Lucus Augusti

Gañador do concurso ideas de marketing para productos de cooperativas 2009

2010-09-10T02:10:00.000-07:00

O grupo "Xoves Ideas" integrado por Alicia Freije Ferreiro e Eva Sánchez Corredoira, estudiantes do colexio Salesiano "Divina Pastora" de Lugo, foi o gañador do concurso de Ideas de Marketing coa súa proposta: TERRA A NOSA, o mellor sabor da mellor terra.

Este proxecto tiña por finalidade presentar a promoción de alimentos de calidade feitos en Galicia de xeito artesanal polos nosos cooperativistas, baixo a marca TERRA A NOSA.

Os productos incluídos son:

- Queixos de O Cebreiro, San Simón da Costa, tetilla e Arzúa-Ulloa.
- Mel de Galicia
- Masa de facer filloas envasada en tetra-briq
- Pementos de Padrón
- Preparado para facer caldo galego
- Viños galegos
- Queimada embotellada semi-elaborada
- Cestas de mimbre artesáns
- Olas e xarras de barro
- Panos de liño artesáns

Concurso de ideas de marketing para productos cooperativos 2009

2010-09-10T02:04:00.000-07:00

• Obxecto
O obxecto deste concurso é estimular e apoiar a comercialización de produtos e servizos cooperativos mediante propostas de marketing innovadoras que chamen a atención do potencial cliente e o propicien a súa compra.

• Persoas destinatarias
Poderá participar neste concurso o alumnado de centros de ensino secundario, FP, e da USC do Campus de Lugo.

• Proxectos
Os proxectos terán por obxecto o impulso da comercialización de produtos e servizos cooperativos mediante a proposta de ideas de marketing innovadoras que chamen a atención sobre eles e propicien a súa compra polos potenciais clientes. Serán rexeitados todos aqueles proxectos que atenten contra a política municipal en materia de igualdade, solidariedade, non violencia, respecto á diferenza, e todas aquelas que presiden e informan a actividade municipal.

• Presentación dos proxectos
Poderán presentarse proxectos individuais ou colectivos. Cada persoa poderá participar nun só proxecto individual e/ou nun só proxecto colectivo. Para os proxectos colectivos establécese un máximo de tres persoas por grupo.

• Prazo
Os proxectos presentaranse antes do 31 de outubro de 2009 no Centro de Servizos Municipais, Rexistro Xeral do Concello de Lugo, ronda da Muralla, número 197, 27002 Lugo.
Os textos entregados fóra de prazo non serán admitidos no concurso.
Deberá presentarse unha copia de cada proxecto escrita en galego, en papel formato A4 (DIN-A4, 210 x 297), claramente impresa a espazo simple en Century Gothic 12 ou tipo de letra similar, e nunha soa das caras da folla. A extensión máxima dos proxectos será de 10 follas (incluíndo no cómputo os anexos). Ademais será obrigatorio enviar os proxectos en formato electrónico de forma complementaria ao envío en papel.

• Documentación
• Cada proxecto presentarase asinado cun pseudónimo na portada e acompañado por un sobre, debidamente pechado; na súa fronte indicarase “Concurso ideas de marketing para produtos e servizos cooperativos (CEI-NODUS)” e o pseudónimo usado pola/s persoa/s autora/s. No interior dese sobre deben figurar os datos persoais e de contacto do/a autor/a para os proxectos individuais e de cada un dos compoñentes do grupo de traballo nos proxectos colectivos: nome e apelidos, DNI ou número de pasaporte, domicilio, teléfono, e enderezo de correo electrónico, se o tivese; ademais dos datos do centro de ensino ou universidade onde estea cursando estudos. O dito sobre permanecerá invariablemente pechado, a excepción dos correspondentes proxectos que acaden o premio.
• Cada proxecto entregado estará acompañado ademais dunha nota escrita pola/s persoa/s autora/s e asinado co seu pseudónimo, na cal aceptará expresamente as bases e condicións do concurso, e declarará que a obra é da súa autoría, inédita, que non foi presentada a outro concurso pendente de resolución e que non ten cedidos ou prometidos os dereitos de edición e/ou reprodución en calquera forma con terceiros. No sobre pechado indicado anteriormente, incluirase unha certificación asinada co nome e apelido da persoa autora, na que esta se fai expresamente responsable da veracidade e exactitude da declaración mencionada neste parágrafo. No caso de faltar este requisito, o proxecto quedará excluído do concurso.

• Xurado e avaliación
• Os proxectos presentados serán avaliados por un xurado composto polos seguintes membros:
- 1 Representante da Concellería de Economía e Emprego do Concello de Lugo.
- 1 Representante da Concellería de Xuventude do Concello de Lugo.
- 1 Representante da Delegación Provincial do Consello Galego de Cooperativas.
- 1 Representante da Universidade de Santiago de Compostela.
• Avaliarase a coherencia e viabilidade económica das accións de marketing propostas.
• O premio será outorgado polo xurado; a decisión tomarase por unanimidade ou, se non, por maioría de votos, e será inapelable. A resolución darase a coñecer no transcurso do acto público que se celebrará para proceder á entrega de premios e para a promoción do cooperativismo.
• O xurado poderá declarar o premio deserto.

• Premios
O/s autor/es ou a/s autora/s do mellor proxecto recibirá/n como premio un ordenador portátil Netbook.

• Difusión proxectos
• O outorgamento dos premios establecidos neste concurso implica, sen necesidade de ningunha declaración por parte da/s persoa/s autora/s, o recoñecemento do dereito exclusivo a favor do Concello e Lugo, a reproducir, traducir e difundir os proxectos premiados nas condicións, cos medios a través dos suxeitos, entidades ou institucións que consideren oportunos.
• O Concello de Lugo reservará para si o dereito a difundir o nome e/ou imaxes das persoas gañadoras, polos medios e formas de comunicación que crean convenientes durante todo o tempo que considere necesario e sen obriga de realizar ningunha compensación. Considérase que as persoas participantes no concurso prestaron o seu consentimento ao presentar o proxecto.
• Quen concurse exonera de toda responsabilidade ao Concello de Lugo, no caso de que os proxectos resultasen danados ou destruídos por caso fortuíto ou forza maior, mentres estiveren en poder del. Os materiais presentados non serán devoltos.

• Aceptación das bases
A presentación dun proxecto neste concurso implica a aceptación incondicional destas bases que teñen carácter administrativo, e os seus efectos rexeranse polo establecido nas súas cláusulas, e se non pola normativa xeral que lle sexa de aplicación. Para o seguimento da súa execución ou coñecemento de calquera cuestión sobre a súa interpretación, modificación, resolución ou efectos delas que poidan xurdir acudirase ao Concello de Lugo.

Participantes no concurso de fotografía sobre o cooperativismo 2009

2010-09-10T01:07:00.000-07:00

- Guillermo Dacal Pérez: Gañador

- Estefanía Vázquez García: Segunda clasificada

- Costuras

- Akra

- Rachel

- Tati

- Piollo

- Mágico

- Yash

- Xacalunda

- Llum

- Parry

- Terra

- Tulipán

- Xio

Certame de fotografía cooperativismo e valores cooperativos 2009

2010-09-10T01:02:00.000-07:00

O Concello de Lugo, dentro das actividades de promoción do cooperativismo, convoca un concurso de fotografía co obxectivo de fomentar os valores cooperativos e o cooperativismo na nosa sociedade.

1ª.- Participantes
Poderán tomar parte no concurso todas aquelas persoas interesadas en participar.

2ª.- Categoría.
Establécese unha única categoría cun único premio, na cal as fotografías deberán facer referencia ao cooperativismo e aos valores que o inspiran.

3ª.- Condicións xerais:

- Cada persoa poderá presentar unha única obra.

- As obras deberán ser orixinais, e non poderán ter participado noutros concursos.

- As fotografías poderán ser realizadas con cámara fotográfica ou teléfono móbil.

- Serán rexeitadas todas as imaxes que atenten contra a política municipal en materia de igualdade, solidariedade, non violencia, respecto á diferenza, e todas aquelas que presiden e informan a actividade municipal.

- No caso de menores de idade, a participación no concurso implicará a autorización tácita dos seus pais, nais, titoras ou titores.

- A participación no concurso supón a cesión de forma gratuíta dos dereitos de comunicación e reprodución pública para a difusión das fotografías polo Concello de Lugo en calquera medio dixital ou escrito.

A remisión das fotografías realizarse a través da entrega delas, persoalmente ou por correo ordinario, nun sobre pechado, no interior do cal figurará a fotografía asinada na súa parte posterior cun pseudónimo, e un sobre que conterá os datos da persoa participante e o pseudónimo empregado. No exterior do sobre que conterá esta documentación figurará o seguinte enderezo: Centro de Servizos Municipais, Rexistro Xeral do Concello de Lugo, ronda da Muralla, número 197, 27002 Lugo, indicando Concurso de fotografía “Cooperativismo e valores cooperativos” (CEI-NODUS).
As fotografías entregadas fóra de prazo non serán admitidas no concurso.

- O prazo de presentación será ata o 31 de outubro de 2009.

- A título informativo, recórdase que o uso de imaxes e música preexistentes necesita a autorización escrita de quen posúa os seus dereitos; se aparecesen persoas recoñecibles a través de primeiros planos ou entrevistas, será necesaria a súa autorización e coñecer para o que están sendo fotografadas

4ª.- Premios e xurado.

Establécese como premio o seguinte:

1º: Unha cámara fotográfica SONY DSCW290

Unha selección dos traballos será exhibida na web http://www.cei.lugo.es/

O xurado estará composto por:
- 1 Representante da Concellería de Economía e Emprego do Concello de Lugo
- 1 Representante da Concellería de Xuventude do Concello de Lugo
- 1 Representante da Delegación Provincial do Consello Galego de Cooperativas
- 1 Representante da Escola de Arte e Superior de Deseño Ramón Falcón

Así mesmo, e para os efectos do disposto na Lei orgánica 15/1999, do 13 de decembro, de protección de datos de carácter persoal e demais normativa de desenvolvemento, autorízase a utilización dos datos persoais contidos no formulario de participación para o seu tratamento informático na xestión da participación á que se refire.

O Concello de Lugo continúa a promover o cooperativismo entre a mocidade lucense durante o 2009

2010-09-10T00:04:00.000-07:00

Nesta ocasión, a Concellería de Economía e Emprego organizou unha serie de actividades formativas de promoción e fomento do cooperativismo dirixidas a alumnos de ESO dos centros de ensino da cidade de Lugo.

- Concurso de fotografía
- Concurso de ideas de marketing para productos de cooperativas
- Xornadas formativas
- Monólogo de Cándido Pazó

Pode o meu instituto participar na Aula Emprendedora CEI NODUS?

2008-11-11T09:55:00.000-08:00

Unha vez rematada o proxecto, a Aula Emprendedora CEI NODUS, pon a disposición de todos os institutos interesados o material desenvolto baixo o proxecto.

Se estás interesado en participar ou solicitar a documentación, podes porte en contacto có CEI NODUS a través do e-mail pait@cei.lugo.es

Descarga os 7 temas do proxecto Aula Emprendedora CEI NODUS

2008-11-11T09:37:00.000-08:00

Xá está dispoñible para a súa descarga os temas postos a disposición dos alumnos/as que pasaron polo proxecto Aula Emprendedora CEI NODUS.

Tema 1: Plan de negocio

Tema 2: As cooperativas

Tema 3: Trámites de consitución da cooperativa

Tema 4: A organización da empresa

Tema 5: Identidade corporativa e logo

Tema 6: Estratexias de venta da empresa

Tema 7: A obtención de resultados na empresa

A concelleira, Sonia Méndez, clausura o proxecto Aula Emprendedora CEI NODUS

2008-11-11T09:29:00.000-08:00

A Concelleira de Economía e Emprego do Concello de Lugo acudiú a derradeira xornada do proxecto Aula Emprendedora CEI NODUS.

Sonia Méndez mostrouse moi satisfeita e así trasmitiullo aos alumnos/as participantes no proxecto, xa que todos/as mostraron o seu interese e amosaron unha boa capacidade para levar a cabo novos proxectos no futuro. Dende o CEI NODUS apoiaranse novas iniciativas e axudarase a emprender novos proxectos que a xente nova quera por en marcha.

Futuros atletas e educadores físicos participan tamén nas cooperativas

2008-11-11T09:13:00.000-08:00

O carto grupo en partipar no proxecto foi o IES Nosa Señora dos Ollos Grandes. Nesta ocasión o alumnado veu dos cursos 1º e 2º de animación de actividades físicas e deportivas e 1º de técnico de atletismo.

Como nas xornadas precedentes os alumnos/as participaron na charla sobre fomento do cooperativismo e no taller de avións. Todos os participantes compretaron as actividades moi satisfaitoriamente, ademáis o 100% do alumnado, que moi pronto atoparase no mercado laboral, estaba moi interesado en coñecer as distintas fórmulas que pode elixir unha vez que remate os seus estudos.

Terceiro día do taller Aula Emprendedora CEI NODUS có instituto Divina Pastora

2008-11-11T08:53:00.000-08:00

Os alumnos e alumnas do CPR Divina Pastora tamén participaron no proxecto Aula Emprendedora CEI NODUS o pasado 28 de outubro.

A xornada comezou coa charla de presentación ao alumnado sobre o traballo e un aspecto tan importante como é emprender. O alumnado participou na charla aportando as súas impresións sobre traballar nunha empresa, por conta propia ou na administración pública. A charla centrouse nas cooperativas. Os alumnos/as mostraron o seu interese polas mesmas citando algunhas das cooperativas galegas que coñecían.

A segunda actividade o taller de avións, foi moi participativo. Dende o primeiro momento o instituto que foi dividido en distintas cooperativas competiu para alcanzar os mellores resultados e fabricar o maior número de avións para a súa venta.

Na segunda parte do taller, dúas cooperativas firmaron un acordo para alcanzar os resultados demandados polo cliente. Aínda da boa intención do acordo, firmado por escrito na folla de acordos, mostrouse cómo é moi importante ter claro e chegar a un acordo no que ambas partes non teñan dúbidas. Pois o papel puso de manifesto cómo unha cooperativa pensaba que estaba a firmar outras condicións. Maila este percance, o taller continuou con total normalidade. E os nenos e nenas mostraronse moi satisfeitos coa actividade.

Todos foron premiados cun USB dun xiga de capacidade.

Os alumnos e alumnas dos institutos IES Mercedes e IES Leiras Pulpeiro xuntos na Aula Emprendedora

2008-11-11T08:16:00.000-08:00

Os dous institutos, IES Mercedes e IES Leiras Pulpeiro, participaron conxuntamente nas actividades propostas baixo a Aula Emprendedora CEI NODUS.

O alumnado de ambos institutos participou conxuntamente. Alumnos e alumnas de ambos institutos que non se coñecían previamente mesturáronse na actividade e colaboraron para obter os mellores resultados.

O IES Piringalla inaugura a semá de "Aula emprendedora CEI NODUS"

2008-10-27T11:10:00.000-07:00

O IES Piringalla inaugura a semá de "Aula emprendedora CEI NODUS"

O IES Piringalla participou o pasado xoves día 24 na actividade posta en marcha polo CEI Nodus "Aula emprendedora CEI NODUS".
Un total de 25 alumnos/as do centro levaron a cabo o taller que consitiu nunha charla inaugural dinamizada con audiovisuais e exercicios, nos que participaron os nenos e nenas coas súas visións sobre o traballo.
Na segunda parte da xornada os estudantes constituíronse en 5 cooperativas. A través da actividade interactiva levada a cabo durante dúas horas, os alumnos e alumnas, tiveron que decidir o organigrama da súa cooperativa, organizar a súa produción e vender. Ao remate analizáronse as contas de resultados de cada cooperativa.

A experiencia foi positiva e o alumnado terminou a xornada satisfeito, comprendendo a importancia de emprender e coñecendo unha forma máis de agrupación empresarial, común e nalgúns casos descoñecida para os estudantes: a cooperativa.

Aula Emprendedora CEI NODUS pose en marcha dende a Concellería de Economía e Emprego e a Concellería de Educación

2008-10-22T17:05:00.001-07:00

A Concelleira de Economía e Emprego, Sonia Méndez, e a Concelleira de Educación, Dolores Vieiro, presentaron hoxe o programa Aula Emprendedora posto en marcha polas súas Concellerías en colaboración coa Consellería de Traballo.

A través desta proposta os nenos e nenas de secundaria adquirirán e desenvolverán, no Centro de Empresas e Innovación, coñecementos e capacidades emprendedoras ao mesmo tempo que estimulan a súa curiosidade pola actividade empresarial. Os alumnos e alumnas recibirán nocións básicas sobre a creación dos propios negocios a través dunha serie de materiais creados para eles como unha historia animada (cómic) e diferentes exercicios.

Os rapaces e rapazas que participen nesta iniciativa do Concello de Lugo recibirán un USB con documentación sobre o programa na que se desenvolven os temas que tratarán:
- Plan de negocio e de empresa
- As cooperativas
- Trámites de constitución das cooperativas
- A organización da empresa
- Identidade corporativa e logo
- As estratexias de venda da empresa
- A obtención dos resultados da empresa.

O obxectivo do Concello de Lugo é fomentar entre a xuventude lucense o desenvolvemento de ideas empresariais e difundir a cultura emprendedora fomentando o seu espíritu innovador dende novos. Para isto, ademais das nocións teóricas, o programa plantexa un concurso no que os grupos de rapaces deberán proponer proxectos empresariais. Neste senso, apóstase polo modelo cooperativo como filosofía
empresarial de base para traballar no programa educativo, xa que se trata dun modelo democrático e participativo que permite un coñecemento máis completo do mundo empresarial.

A idea é que os mozos e mozas da cidade comecen xa a pensar no seu futuro tendo en conta as posibilidades de emprego que teñen, facéndolles ver que é posible traballar por conta propia e fomentar a creación de emprego. O importante é que os rapaces coñezan o que significa ser empresario, asumir os riscos de por en marcha un proxecto empresarial, e os pasos que deben seguir para crear dunha idea un
plan de empresa que sexa viable no mercado. Este proxecto de formación xa se incluía dentro do programa electoral do Equipo de Goberno para o fomento de valores e actitudes positivas de cara ao autoemprego entre os nenos e nenas de Secundaria.

Con este proxecto, o Concello de Lugo continúa co seu compromiso de achegar e poñer ao servizo de toda a cidadanía o CEI-Nodus xa que dende o 23 de outubro e ao longo do mes de novembro, serán alumnos de Secundaria, de Formación Profesional e da Universidade os que pasen polo centro para coñecer as súas instalacións e realizar diferentes actividades.

O CEI NODUS acercará aos alumnos/as de Lugo a posta en marcha de proxectos

2008-10-21T13:37:00.000-07:00

O Centro de Empresas e Innovacion (CEI NODUS) e unha iniciativa do Concello de Lugo para a promocion economica da cidade e un apoio e posta en marcha de novas iniciativas empresariais.

O CEI NODUS pon en marcha hoxe o proxecto "Aula emprendedora CEI NODUS" dirixido a estudantes có obxecto de promocionar e incentivar o espírito emprendedor e fomentar e dar a coñecer a fórmula das cooperativas como modo de autoemprego.